Prishtina në avantazh pas pjesës së parë ndaj Larne

Prishtina ka përmbyllur pjesën e parë të ndeshjes ndaj Larne me epërsi minimale 1:0, në kuadër të ndeshjes së kthimit të raundit të dytë të kualifikimeve për UEFA Conference League.

Goli i vetëm i takimit deri më tani u shënua në minutën e 10-të nga Taipi, pas një situate të krijuar nga një goditje indirekte që u menaxhua në mënyrë perfekte nga skuadra kryeqytetase.

Deri në fund të pjesës së parë, Prishtina kishte edhe një rast ideal për të dyfishuar epërsinë. Një pasim i shkëlqyer nga Veliu e gjeti Kryeziun brenda zonës, mirëpo ky i fundit nuk arriti të finalizonte.