Presidentja Osmani: Duhet shmangur çdo tentativë destabilizimi nga Serbia

Presidentja e Kosovës, Vjosa Osmani, ka zhvilluar sot një takim me komandantin e misionit të KFOR-it të udhëhequr nga NATO, gjeneralmajor Enrico Barduani, në zyrën e saj në Prishtinë, shkruan Gazeta Sinjali.

Sipas njoftimit nga Presidenca, Osmani theksoi sfidat aktuale të sigurisë në vend, me theks të veçantë në sigurinë kufitare dhe domosdoshmërinë e parandalimit të çdo përpjekjeje për destabilizim nga Serbia.

Gjatë takimit, u theksua rëndësia e bashkëpunimit të vazhdueshëm ndërmjet institucioneve të Kosovës dhe KFOR-it. Të dy palët riafirmuan përkushtimin për bashkëpunim të ngushtë në përputhje me mandatin e NATO-s dhe synimin e përbashkët për paqe dhe stabilitet në rajon.