Presidenti kroat uron Kosovën për përvjetorin e Pavarsisë

Presidentja e Kosovës, Vjosa Osmani, ka pranuar një letër urimi nga Presidenti i Kroacisë, Zoran Milanoviq, me rastin e 18-vjetorit të Pavarësisë së Kosovës.

Në mesazhin e tij, Milanoviq thekson marrëdhëniet e shkëlqyera ndërmjet Kosovës dhe Kroacisë, duke shprehur bindjen se bashkëpunimi do të vazhdojë të forcohet në të mirë të qytetarëve të të dy vendeve.

Ai po ashtu ka riafirmuar mbështetjen e Kroacisë për integrimin e Kosovës në Bashkimi Evropian, NATO dhe organizata të tjera ndërkombëtare.