KosovaPress raporton se dorëzimi i pajisjeve të rreth 300 policëve të stacionit verior në Mitrovicë do të bëhet gjatë tërë ditës së sotme, me orare të ndryshme.
Policët që u larguan në veri tashmë janë zëvendësuar me policë nga qytete tjera të Kosovës
Mësohet se rreth 150 policë tjerë të cilët kanë shërbyer nëpër komunat tjera veriore të Kosovës do të dorëzojnë pajisjet e tyre po ashtu sot, por nëpër stacionet e këtyre komunave.
Të shtunën, përfaqësuesit e serbëve kanë dhënë dorëheqje nga komunat lokale në veri të Kosovës, nga gjyqësori, policia si dhe nga Qeveria e Kuvendi i Kosovës, pas suspendimit të drejtorit të Policisë së Kosovës për rajonin e veriut, Nenad Gjuriq.
Kujtojmë se deri tek suspendimi i këtij të fundit erdhi pasi i njëjti ka refuzuar të zbatojë vendimet e Qeverisë së Kosovës për targat./Botapress.info/
