Rajoni i Ballkanit por edhe Kosova do të përfshihet nga moti i keq pasditen e sotme dhe gjatë gjithë ditës së nesërme.
Si pasojë e një cikloni të formuar në Adriatik, që në orët e para të ditës së sotme disa pjesë të Kosovës janë përfshirë nga shiu, shkruan Botapress.
Reshje të shiut në pjesë të Kosovës parashikohet të ketë edhe gjatë natës, po ashtu edhe reshjet e dëborës në pjesët malore. Nga pasditja e së martës deri të enjten reshjet mund të largohen pjesërisht për t’u rikthyer sërish të premten.
