Pjetër Shalës i vazhdohet paraburgimi, Specialja ia refuzon kërkesën për lirim

Gjykatësi i Procedurës Paraprake, në Gjykatën Speciale ia ka refuzuar Pjetër Shalës kërkesën për lirim nga paraburgimi.

Pjetër Shala, ish-ushtar i Ushtrisë Çlirimtare të Kosovës do të vazhdojë të qëndrojë në paraburgim në Hagës. Kjo pasi që Gjykata Speciale ia ka refuzuar atij kërkesën për lirim të përkohshëm.

Me këtë rast, Gjykatësi ka urdhëruar mbrojtjen e Shalës që të dërgojë parashtresa deri më 23 korrik për rishikimin e radhës së arsyeve për mbajtjen në paraburgim.

Urdhrin e njëjtë, Gjykata ia ka dhënë edhe prokurorisë.Ndërkaq mbrëmë, Specialja njoftoi se paraburgimi i është vazhduar edhe Nasim Haradinajt e Hysni Gucatit./Botapress/