Një pjesëtar i policisë së Serbisë është arrestuar nga Policia e Kosovës më 01 nëntor 2025, në pikën kufitare Jarinjë, nën dyshimin për import, eksport, furnizim dhe transport të paautorizuar të armëve apo materialeve plasëse.
Sipas raportit zyrtar, i dyshuari është ndaluar në hyrje të Kosovës rreth orës 10:02, teksa po udhëtonte me një veturë me targa të Beogradit.
Gjatë kontrollit të detajuar, policia ka gjetur dhe konfiskuar 51 fishekë, 9.900 euro para të gatshme dhe 26.000 dinarë serb.
Nga i dyshuari janë sekuestruar edhe një sërë dokumentesh zyrtare dhe pajisjesh policore, përfshirë: kartelën e identifikimit dhe distinktivin e policisë së Serbisë, kartelën e sindikatës së policisë serbe, letërnjoftimin e Serbisë dhe të Kosovës, pasaportën serbe, një palë spaleta uniformash, dorëza dhe një USB.
Me vendim të prokurorit kompetent, i dyshuari është dërguar në mbajtje, ndërsa hetimet janë në vazhdim.
Të tjera
Lajme
Shqipëria e parafundit në Europë për lumturinë, Kosova e para në Europën juglndore
Niveli i korrupsionit dhe mungesa e
Lajme
Festa e Bajramit – Inspektorati në terren, kontrollohen çmimet në gjithë Kosovën
Inspektorati Qendror i Mbikëqyrjes së Tregut
Aktuale
Joseph: Avancimi i Kosovës drejt NATO-s, do ta detyronte Serbinë të ndryshojë qasje
Ish-zyrtari i lartë i misionit të