Përfundon intervistimi i gruas së Radoqiçiqit nga policia

Gruaja e Milan Radojçiqit është intervistuar sot nga Policia e Kosovës në Veri, përkatësisht ftesa asaj i është bërë nga Krimet Ekonomike në Prishtinë.

Por tashmë intervistimi i saj ka përfunduar dhe e njëjta është liruar.

Lajmi wshtw konfirmuar nga zëvendësdrejtori i Policisë për rajonin e veriut, Veton Elshani.

“Ka përfunduar intervistimi. Ajo është liruar pas intervistimit”, ka thënë Elshani.
Radojiçiq, i cili është i sanksionuar nga Shtetet e Bashkuara të Amerikës, ka marrë përgjegjësinë për sulmin terrorist në Banjskë, ku u vra polici Afrim Bunjaku, në shtator të vitit të kaluar.

Policia e Kosovës kishte bastisur dhe sekuestruar pronat e Radoiçiqit në veri disa ditë pas sulmit në Banjskë më 24 shtator.