Ovacione në këmbë prej tifozëve, përqafime me ish-bashkëlojtarët dhe Artetan – Xhaka u prit si legjendë në “Emirates”

Granit Xhaka u rikthey në “Emirates Stadium” të Londrës, atje ku kaloi pjesën më të madhe të karrierës.

Klubi i tij aktual, Bayer Leverkusen e zhvilloi një ndeshje miqësore me Arsenalin, e cila përfundoi 4:1 në të mirë të vendasve.

Në minutën e 80-të, ai u largua nga loja, teksa tifozët u ngritën në këmbë duke e duartrokitur.

Nga viti 2016 deri në vitin 2023, Xhaka ishte pjesë e Arsenalit, duke u shndërruar në futbollistët më të dashur të tifozëve, edhe pse kishte pasur probleme të mëdha paraprakisht.