Osmani pret në takim deputeten britanike, Alicia Kearns

Deputetja e Britanisë së Madhe, Alicia Kearns, është pritur në takim të hënën nga Presidentja Vjosa Osmani.

Detaje lidhur me këtë takim nuk janë bërë të ditura nga palët, teksa ekipi i KOHËS në terren e ka parë Kearns teka ka hyrë në objektin ku ndodhet Zyra e Presidentes.

Kearns ishte deputetja britanike që pati alarmuar se si në Kosovë po kontrabandoheshin armë nga Serbia dhe se ato po ruheshin në kishat ortodokse serbe. Në korrik të 2023-s ajo pati thënë se transporti i këtyre armëve bëhet nëpërmjet autoambulancave.

E në shtator të po atij viti, si pasojë e një sulmi terrorist ishte vrarë në Banjskë të Zveçanit rreshteri Afrim Bunjaku. Nga këmbimi i zjarreve mes Policisë së Kosovës dhe grupit të armatosur ishin vrarë tre sulmues serbë.

Prokuroria Speciale tashmë ka ngritur aktakuzë ndaj 45 personave për këtë rast terrorist.