Nezir Kraki ‘rikthehet’ nga Parisi, tregon arsyjen e mungesës

Nezir Kraki, i cili mungoi në seancën e kaluar, ka sqaruar arsyet e mungesës së tij dhe është rikthyer nga Parisi për të vazhduar angazhimin e tij.

“Nuk ka naj arsye filozofike pse kam mungu. Unë kam ardhë të punoj për Kosovën dhe punoj prej shumë vitesh”, tha Kraki.

Ai shtoi se, si mësimdhënës në Paris, periudha e provimeve e kishte detyruar që të kthehej për t’i përmbyllur disa angazhime profesionale.

“Normalisht që si mësimdhënës atje, është koha e provimeve dhe mu dasht me u kthy me i përmbyllë disa gjana. Gjana normale pra”, u shpreh ai.

Kraki theksoi se nuk ka asnjë dilemë për angazhimin e tij dhe shprehu se është pjesë e një grupi të angazhuar dhe të kompakt.