Derisa vaksinimi antiCOVID është duke vazhduar situata e përballjes me këtë virus vazhdon të jetë mjaftë e rënduar.
ani për tani në gjithë vendin janë mbi 1 mijë raste aktive, ndërsa sipas infektologëve ekziston mundësia e rritjes së numrit të infektimeve.
Por pavarësisht kësaj, ata të cilët kandidojnë në zgjedhjet lokale nuk po brengosen fare për këtë, e madje po bëhen bashkë për çdo ditë e natë me qytetarët pa respektuar asnjë masë antiCOVID.
Lidhur me këtë, Instituti Kombëtarë i Shëndetësisë Publike ka apeluar tek qytetarët, institucionet dhe organizatat publike dhe private për respektim të masave antiCOVID.
IKSHPK ka theksuar se duhet marrë parasysh dispozitat e Ligjit për parandalimin dhe luftimin e pandemisë si dhe vendimet në fuqi mbi masat dhe obligimet,percjell Botapress.info
Postimi i plotë:
Qytetarë të dashur!
IKSHPK apelon tek të gjithë qytetarët, institucionet dhe organizatat publike dhe private, për respektimin dhe ndërmarrjen e të gjitha masave të nevojshme për parandalimin, menaxhimin dhe kontrollin e infeksionit COVID-19, duke marrë parasysh dispozitat e Ligjit për parandalimin dhe luftimin e pandemisë COVID-19, dhe vendimet në fuqi mbi masat dhe obligimet e institucioneve për zbatimin e masave të përgjithshme dhe specifike për mbrojtjen nga pandemia COVID-19.
Ju lutemi!
➡️ Vaksinohuni! 🙏
➡️ Vaksinimi kundër COVID-19 shpëton jetë!
➡️ Personat e pa vaksvainuar janë brenga jonë më e madhe!
➡️ Vaksinimi është metoda më e mirë, më e lirë dhe me efikase në luftë kundër COVID-19!
➡️ Vaksinimi zgjon mbrojtjen natyrore të trupit tonë për të krijuar rezistencë ndaj infeksioneve specifike dhe e fuqizon sistemin imunitar!
➡️ Vaksinimi parandalon vdekjet dhe komplikimet e rënda, të cilat kërkojnë shtrirjen e pacientit në spital.
➡️ Vaksinohuni ju dhe të afërmit tuaj!
➡️ Asnjëra vaksinë që është në përdorim në Kosovë nuk përmban virus të gjallë që shkakton COVID-19. Kjo domethënë se nuk mund të sëmureni me COVID-19 nga vaksina.
➡️ Kosova është i vetmi shtet në rajon që ka dhënë vetëm vaksina të miratura nga Agjencia Evropiane dhe Amerikane e Barnave është Kosova. Këto vaksina janë Astra-Zeneca dhe Pfizer. Këto vaksina kanë sigurinë, cilësinë dhe efikasitetin, që e plotësojnë standardin evropian dhe atë amerikan.
➡️ Nëse nuk vaksinohemi mund të rriten rastet e reja duke u përcjellë me shtim të hospitalizimeve, vdekjeve, mbingarkesë të sistemit shëndetësor, rikthim të kufizimeve, goditje të shëndetit mental, shkollës, ekonomisë, kulturë, artit e sportit.
Qytetarë të dashur!
➡️ Vaksinohuni! 🙏
➡️ Me vaksinë mbroni veten, familjen, të afërmit, kombin dhe njerëzimin kundër COVID-19.
➡️ Mbuloni gojën dhe hundën me maskë!
➡️ Respektoni distancën!
➡️ Mbani higjienën!
