Ndryshe nga gara për kryetar, PDK për Asamble në Mitrovicë ka gati dyfish më shumë vota se VV-ja

Gara e ngushtë në mes të Arian Tahirit dhe Faton Pecit për të parin e Komunës së Mitrovicës së Jugut, nuk është e njëjtë edhe me votat për Asamble Komunale.

Sipas të dhënave të publikuara nga KQZ deri më tani, PDK me Tahirin si bartës të listës së partisë ka performuar dukshëm më mirë sesa LVV me Armend Begun si bartës të listës.

PDK për Asamble Komunale ka marrë 40.43% të votave apo 11 mijë e 978, derisa Lëvizja Vetëvendosje me Armend Begun ka marrë 22.67 apo 6 mijë e 716 vota.

Për Asamble Komunale ka performuar mirë edhe Lista GUXO me Afërdita Hajrizin si bartëse e listës duke marrë 12.89 % apo 3 mijë e 819 vota.

Safet Kamberi i LDK-së i cili është bartës i listës së partisë ka marrë 11.94% apo 3 mijë e 538 vota.