Dardan Molliqaj i PSD-së ka reaguar pas miratimit të deklaratës për personat e zhdukur gjatë luftës.
Molliqaj përmes një shkrimi në “Facebook” thotë se, kryministri Kurti ia bëri sot Kosovës dy dëme që sipas tij, janë të pariparueshme.
Sipas Molliqajt, Kosova u barazua me Serbinë, duke u trajtuar si dy palë të barabarta në krimet që janë kryer në vendin tonë.“Pranimi i termit persona “të zhdukur me forcë” në vend të atij “të zhdukur me dhunë” (që është term juridik i pranishëm në konventat kundër krimeve të luftës), shfajëson Serbinë si shtet nga përgjegjësia për zhdukjen e personave të pagjetur”, shtoi tutje Molliqaj.
Shkrimi i plotë:
Sot në Bruksel, Kosovës iu bën edhe dy dëme të pariparueshme nga Albin Kurti.
1. Kosova u barazua me Serbinë, duke u trajtuar si dy palë të barabarta në krimet që janë kryer në vendin tonë.
2. Pranimi i termit persona “të zhdukur me forcë” në vend të atij “të zhdukur me dhunë” (që është term juridik i pranishëm në konventat kundër krimeve të luftës), shfajëson Serbinë si shtet nga përgjegjësia për zhdukjen e personave të pagjetur.
Asnjë fitore për Kosovën. Veç degradim. Veç koncesione. Dhe filma për qytetarët e vendit tonë.
