Mendimi për motin: Nesër temperaturat deri në 26 gradë Celsius

Mendimi për motin – 1.05.2025

Ditën e premtë mbeten ende kushte të qëndrueshme meteorologjike. Do të ketë intervale më të gjata me diell, derisa pasdite zhvillohen vransira lokale, por me pak gjasa që të shoqërohen me të reshura. Frynë erë e lehtë dhe mesatare veriore e verilindore 3-7m/s. Temperaturat lehtazi në rritje, shkojnë deri në 24C e 26C, maksimalet, e minimalet luhaten ndërmjet 7C e 10C.

Mot shumë i ngrohtë po parashihet në fundjavë me maksimale që shkojnë deri në 26C e 28C, apo dhe 29C lokalisht. Do të mbretërojnë kushte të motit më të qëndrueshëm kryesisht me diell por dhe vransira kalimtare kohëpaskohe. Gjasat për të reshura janë të pakta. Ditëve të para të javës vijuese, vransirat vijnë duke u shtuar mbi vend, e nga dita e martë parashihen edhe mundësi për rrebeshe shiu, që mund të jenë më të përhapura në territor. Temperaturat maksimale ende mbesin të larta ndërmjet 22C e 26C. Minimalet përgjatë kësaj periudhe luhaten ndërmjet 8C e 12C. Nga fundjava erërat ndryshojnë drejtimin në jugperëndimore, mirëpo se më të theksuara do jenë të hënën e të martën, me hove deri në 15m/s.