ME-ja prezanton projektin “Green Energy Future”

Ministria e Ekonomisë ka prezantuar projektin “Green Energy Future”, që parashikohet të lehtësojë barrën e izolimit të shtëpive.

Sipas ME-së, 7 nga 10 familje në Kosovë nuk kanë rehati të plotë gjatë dimrit, teksa shumica e familjeve ngrohen vetëm në disa dhoma, me pjesë të tjera të shtëpisë që mbesin të ftohta, shkruan IndeksOnline.

“Kjo nënkupton humbje të nxehtësisë, shpenzime më të larta dhe më pak komoditet. Izolimi më i mirë dhe masat e efiçiencës së energjisë ndihmojnë të ruhet ngrohtësia, të ulen faturat dhe të përmirësohet jeta në shtëpi” thuhet në njoftimin e Ministrisë.

Projekti në fjalë, që financohet nga marrëveshja ndërmjet Kosovës, qeverisë daneze dhe zbatohet nga UNDP-ja, në partneritet me fondin e Kosovës për efiçiencë.

Fushata informuese ka për plan përmirësimin e kushteve të jetesës, uljen e kostove për energji dhe ndërtimin e një të ardhmeje më të gjelbër për banorët.