Presidenti francez, Emmanuel Macron ka “dënuar” qeverinë e Mbretërisë së Bashkuar për dështimin për të përmbushur “deklaratat e saj madhështore” për të ndihmuar refugjatët ukrainas.
Duke folur në fund të një samiti të BE-së në Versajë, Macron thuhet se kritikoi politikën e vizave të Britanisë, e cila kërkonte që aplikantët t’i bënin ato personalisht në Bruksel ose Paris.
Ashpërsohet lufta në Ukrainë, raportohet për 10 beteja ajrore
Macron tha se kjo përkeqësoi më tej rrethanat për ata që ikin nga lufta, sipas The Guardian.
“Pavarësisht të gjitha deklaratave madhështore… qeveria britanike vazhdoi të zbatonte rregullat aktuale që nënkuptonin se nuk i mirëpriti refugjatët ukrainas që donin të arrinin në tokën britanike duke thënë se duhet të udhëtonin qindra kilometra për të aplikuar për vizë”, tha ai.
“Unë do të shpresoja që burrat dhe gratë ukrainase që kanë jetuar tmerr dhe kanë kaluar Evropën për të arritur familjet e tyre në territorin e Mbretërisë së Bashkuar do të trajtohen më mirë”.
Në përgjigje të vërejtjeve të raportuara të Macron, Zyra e Brendshme e Britanisë vuri në dukje komentet e mëparshme nga Sekretarja e Brendshme, Priti Patel
“Tani po e bëjmë procesin më të shpejtë dhe më të thjeshtë duke hequr nevojën për të vizituar fizikisht qendrat e aplikimit për vizë për shumë prej atyre që janë duke bërë udhëtimin e rrezikshëm nëpër Evropë”, kishte thënë Patel.
