LDK organizon mbledhje komemorative për ish-kryeministrin Bujar Bukoshi

Lidhja Demokratike e Kosovës do të mbajë sot një mbledhje komemorative në nderim të jetës dhe veprës së ish-kryeministrit në ekzil, Bujar Bukoshi.

Ngjarja do të zhvillohet në orën 12:00, në Amfiteatrin e Pallatit të Rinisë në Prishtinë. Lajmi është bërë i ditur nga vetë LDK përmes një njoftimi në rrjetin social Facebook.

Bukoshi, një prej figurave kyçe të skenës politike gjatë viteve të ’90-ta, kujtohet për kontributin e tij në periudhat më të vështira për Kosovën, kur shërbeu si Kryeministër i Qeverisë në ekzil.