LDK ka potencial për të ofruar kandidat për president, thotë Zemaj

Deputeti i Lidhja Demokratike e Kosovës, Armend Zemaj, ka deklaruar se negociatat për zgjedhjen e presidentit u takojnë subjekteve politike.

Ai për KosovaPress tha se hapja e procesit dhe arritja e konsensusit për një emër janë përgjegjësi e partive parlamentare.

I pyetur nëse LDK-ja do të ketë kandidat të vetin, Zemaj u shpreh se “nuk ka vendim politik” për një emër konkret.

Sipas tij, partia ka potencial dhe njerëz që mund të ushtrojnë pozita të larta shtetërore, përfshirë presidentin apo kryeministrin.

Megjithatë, ai nënvizoi se deri më tani nuk është diskutuar zyrtarisht për një kandidaturë të mundshme nga LDK-ja.