Ky është Volkswageni i ri elektrik ID.7 GTX

Volkswagen ka prezantuar ID.7 GTX të ri, modelin sportiv të serisë së tij elektrike, me dy motorë që bën tërheqje dhe me të gjitha rrotat dhe një fuqi mbresëlënëse prej 335 kuaj-fuqi.

Është vetura më e fundit elektrike e markës gjermane, pas hatchback-ut ID 3 në frymën e GTI-së, ID Buzz MPV dhe ID 7 Tourer, transmeton Telegrafi.

Limuzina GTX vihet në lëvizje  nga e njëjta bateri 86 kWh si ID 7 Pro S dhe mund të karikohet deri në 200 kW për një karikim 10-80 për qind në më pak se 30 minuta.

Ashtu si me karavanin, shasia dhe dinamika e limuzinës janë modifikuar për të përballuar rritjen e fuqisë.

ID 7 GTX ka gjithashtu një konfigurim më sportiv të trajtimit dhe blerësit mund të shtojnë Kontrollin Dinamik të Shasisë (DCC), i cili përdor kontrollin e rishikuar të dinamikës për të ofruar trajtim adaptiv.

Disa detaje sportive janë shtuar në stilin e jashtëm, të tilla si një parakolp i përparmë GTX i personalizuar, dritat LED të ditës me një vijë të sipërme dhe dekorimi i zi me shkëlqim.

Brendësia është identike me atë të GTX Tourer, me ulëse sportive të zbukuruara me qepje të kuqe dhe germa GTX.

Volkswagen nuk ka konfirmuar ende një çmim për ID 7 GTX, por ka të ngjarë të kushtojë rreth 70,000 euro. /Telegrafi/