Ky është vendi ku ndodhi ngjarja tragjike në Majac të Podujevës

Dy persona kanë humbur jetën si pasojë e të shtënave me armë zjarri në fshatin Majac, ndërsa e dyshuara ndodhet në gjendje të rëndë shëndetësore, ka njoftuar Prokuroria Themelore në Prishtinë. Viktimat janë identifikuar me inicialet I.B. dhe M.G.

Sipas policisë, njëra nga viktimat femra ndërroi jetë në Qendrën Klinike Universitare të Kosovës, ndërsa trupi tjetër është dërguar në Institutin e Mjekësisë Ligjore për autopsi. Gjatë ekzaminimit janë sekuestruar armë zjarri, gëzhoja dhe prova të tjera materiale. Motivi i ngjarjes ende nuk është i njohur, ndërsa hetimet vazhdojnë.

Ekonomia Online ka publikuar pamje nga vendi ku dyshohet se ndodhi krimi mbrëmë, duke treguar shtëpinë ku kanë ndodhur ngjarjet tragjike.