Ky është 68-vjeçari që u ndalua sot për dhunë në familje në Rahovec

Një rast i dhunës në familje është raportuar sot në Rahovec, ku një grua ka denoncuar bashkëjetesën e rëndë me dhunë fizike dhe psikike, të ushtruar ndaj saj nga një anëtar i ngushtë i familjes.

Burime të sigurta të Sinjalit bëjnë me dije se personi i ndaluar është Hajdar Morina, 68 vjeçar, i cili tashmë është vendosur në mbajtje për 48 orë, me urdhër të Prokurorit të Shtetit, ndërsa rasti është iniciuar për veprën penale “Dhunë në familje”.

Viktima është intervistuar nga hetuesit policorë, ku ka rrëfyer në detaje përjetimet e saj të vazhdueshme me dhunën fizike dhe psikike që ka përjetuar, ndërsa organet hetuese kanë marrë menjëherë veprimet e nevojshme për ndalimin e të dyshuarit dhe mbrojtjen e viktimës.

Sinjali do të vijojë të sjellë detaje nga rasti dhe veprimet që pritet të ndërmerren nga institucionet e drejtësisë.