Kurti: Nëse s’votohet qeveria e re, qeveri do të ketë, por s’mund ta mbikëqyrni dhe t’i kërkoni llogar

Kryetari i Lëvizjes Vetëvendosje, Albin Kurti tha se “qeveri do të ketë”, edhe nëse qeveria e re që pritet ta prezantojë pas pak, nuk do t’i marrë 61 votat e nevojshme në Kuvned.

Ai iu tha deputetëve se qeverinë në detyrë s’mund ta mbikëqyrin dhe s’mund t’i kërkojnë llogari.

“Për më tepër, përderisa nuk votohet qeveria e re, kjo nënkupton zgjatje e mandatit të qeverisë në detyrë. Pra, qeveri do të ketë, vetëm se deputetët e kanë të pamundur ta mbikëqyrin dhe të kërkojnë llogari nga një qeveri në detyrë, të cilën nuk e kanë votuar”, tha ai.

Çdo ditë pa qeveri të re, Kurti tha se është “ditë humbjeje për zhvillimin, për qytetarin, për shtetin”, ndërsa, pa ndonjë marrëveshje të përmendur, i ftoi deputetët që ta votojnë qeverinë që do ta prezantojë ai.

Ai përmendi “punë e mira” që tha se i ka bërë qeveria e udhëhequr prej tij, ndërsa u kërkoi deputetëve që t’ua mundësojnë që t’i “vazhdojnë punët e mira”.