Krejt populli e dinë se pas Serbisë, LVV është përfituesja më e madhe politike nga Gjykata Speciale

Deputetja e PDK-së, Ganimete Musliu i ka reaguar Dejon Mihalit të Vetëvendosjes lidhur me Gjykatën Speciale.

“Lotët e krokodilit të LVV-së e te Mihajles për Gjykatën Speciale. Krejt populli e dinë se pas Serbisë, LVV është përfituesja më e madhe politike e praktike nga Gjykata Speciale. Që të kuptohet drejt në Kuvendin e Kosovës LVV nuk ka votuar asnjëherë kundër Gjykatës Speciale, ata vetëm deklartivisht janë shprehur gjoja janë kundër Gjykatës Speciale derisa në anën tjetër bartës politikë të LVV-së kanë punuar nëntokë për të themeluar Gjykatën Speciale. LVV deklarativisht ishte që Gjykata Speciale të mos themelohet nga Kuvendi i Kosovës, por nuk ndërmori asnjë veprim për ta ndaluar përderisa për gjëra krejtësisht të parëndësishme e kallte Kuvendin”, ka shkruar Musliu.

Vazhdimi i postimit të Ganimete Musliut:

Pra, LVV kundërshtonte themelimin e Gjykatës Speciale në Hagë nga Kuvendi i Kosovës, veç sa për “sy e faqe” sepse në prapavijë punuan fort që kjo gjykatë të bëhej. Sot, ata që dikur me mburrje pohonin se po e ndihmonin prokurorinë me dosje, janë anëtarë të kabinetit qeveritar të Albin Kurtit. Sot, para Këshillit të Sigurimit të OKB-së, ministrja e Albin Kurtit merr lëvdata nga Serbia, për bashkëpunim në këtë çështje.

Janë bashkëpunëtorë e bashkëqeverisës të po këtij Albin Kurti që në foltore te Kuvendit ka akuzu UÇK se ka ba krimet me makabre, të po këtij Albini që i thërriste “Hashim shko ne Hagë”.

Dhe kjo parullë nuk ishte shprehje e dëshirës vetëm e Albinit, por edhe e shume bashkëpartiakëve e përkrahësve te Kurti, njejtë siç ishte dëshirë edhe  e Serbisë dhe armiqve të lirisë dhe shtetit tonë të pavarur. E këtë të krisur, për fatin e keq, po në Kuvendin e Kosovës, kundër çdo rregulli të demokracisë parlamentare e kontrabanduan në postin e kryeministrit të Kosovës.

Hashim Thaçi dhe Kadri Veseli ishin te vetëdijesohen se po banin sakrificën e radhës për  Kosovën, Gjykata Speciale po themelohej për ata që bënë luftën tonë çlirimtare, kurse Albini e dinte se përderisa ata janë të lirë nuk do t’ia dilte kurrë të realizonte agjendën e tij antishtetërore.

Tani në prag të zgjedhjeve, i gjendur para dështimit të tij të madh, e paska nxjerrë në fushbetejë “kryegestapon-ë” e tij Dejona Mihajlovsken për të filozofuar për patriotizëm. Çfarë hipokrizie! Çfarë mjerimi!

Heshtni me mirë. Mos folni fare sepse ju njohim mirë kush jeni dhe për kënd punoni.

E dijmë shumë mirë se po të kishit mundësi, asnjë pjesëtarë të UÇK-së nuk do ta lënit në liri.

E dimë ne e do ta dinë brezat që vijnë se kush punoi për e kush kundër lirisë dhe pavarësisë së Kosovës.

E dimë ne e do ta dinë edhe brezat që vijnë se kush është Hashim Thaçi e Kadri Veseli e kush ishte Albini e Dejona.  ATA do të kthehen me lavdi e ju do të kujtoheni për tradhti.

Zgjedhjet erdhën, ju shkuat.