Komisioni Qendror i Zgjedhjeve (KQZ) ka njoftuar të mërkurën se në Qendrën Komunale të Numërimit po vazhdon procesi i verifikimit të rezultateve të raundit të dytë të zgjedhjeve për kryetar të komunave.
Sipas KQZ-së, “deri në orën 09:00 të ditës së mërkurë, janë verifikuar rezultatet e 75 vendvotimeve nga 105 sa i takojnë kësaj komune. Ky proces pritet të përfundojë gjatë ditës së sotme”.
Një ditë më parë, të martën, është përmbyllur verifikimi i rezultateve të raundit të dytë në 17 Qendra Komunale të Numërimit: Junik, Mamushë, Kllokot, Obiliq, Klinë, Vushtrri, Dragash, Rahovec, Gjakovë, Gjilan, Fushë Kosovë, Suharekë, Kaçanik, Prishtinë, Viti, Prizren dhe Pejë.
Ndërkohë, në Qendrën e Numërimit dhe Rezultateve po vazhdon edhe rinumërimi i 41 vendvotimeve me kërkesë të Panelit Zgjedhor për Ankesa dhe Parashtresa (PZAP), i cili kishte nisur një ditë më parë.
Sipas të dhënave të fundit, “deri në orën 09:00 të së mërkurës janë rinumëruar 10 vendvotime”.
Të tjera
Aktuale
Tubimi i LDK’së në Vranjevc, Abdixhiku: Kjo është Kodra e Trimave, sonte na la të gjithëve pa fjalë
Kandidati i LDK-së për kryeministër, Lumir
Aktuale
Dardan Sejdiu: Kurti taksat tona po i përdor për mashtrim në zgjedhje
Ish-anëtari i LVV-së, Dardan Sejdiu, ka
Aktuale
A shkon vendi në zgjedhje nëse Osmani s’bëhet sërish presidente? Përgjigjet Gërvalla
Kryetarja e Guxo, Donika Gërvalla, ka