Një shkrim i gazetës “Bujku”, i botuar më 15 mars në vitet ’90, tregon se 44 familje Sheholli nga Podujeva dhe rrethina ishin distancuar publikisht nga Maliq Sheholli dhe i biri i tij Fatmiri, të cilët akuzoheshin për bashkëpunim me pushtetin serb të asaj kohe.
Sot, më 9 tetor 2025, Fatmir Sheholli u arrestua nga Policia e Kosovës nën dyshimet për spiunazh.
“Ngase distancimi ynë nga Maliq Sheholli dhe i biri i tij Fatmir, i bërë në vitin 1990, i botuar në revistën fetare ‘Dituria Islame’, është më pak i njohur për publikun, e shohim të nevojshme ta njoftojmë opinionin shqipfolës, kudo në botë, se familja e gjerë Sheholli (44 kryefamiljarë) gjithmonë distancohet nga veprimet e këtyre të dyve: Maliqit e Fatmirit”, thuhet në tekstin e botuar në gazetë.
Më tej në shkrim theksohej se, sipas deklaratës, Maliqi dhe Fatmiri “janë vënë në shërbim të pushtuesit serb dhe kështu kanë bërë aktin më të lig njerëzor: tradhtinë kombëtare”.
“Pavarësisht nga veprimet e tyre renegatë, lëvizja jonë gjithëpopullore do të realizojë çlirimin kombëtar. E renegatëve kurrë s’mund t’u hiqet njolla e tradhtisë”, thuhej në fund të letrës, e cila ishte dërguar redaksisë së “Bujkut”.
Nënshkrues të kësaj deklarate ishin dhjetëra anëtarë të familjes Sheholli nga Podujeva, përfshirë emra si Sahit, Bajram, Brahim, Hamit, Selman, Rrahman, Ismail, Fehmi, Rifat, Ramush, Faik, Gani, Agim e të tjerë.
Të tjera
Showbiz
Kjo është banorja e parë e “Big Brother Vip Kosova”
Hygerta Sako është banorja më e
Showbiz
Ky është detaji i rëndësishëm që duhet të dini për sezonin e ri të “Big Brother”
Sonte fillon sezoni i ri “Big
Aktuale
Gjasat e vogla që seanca për mandatarin të thirret para të mërkurës
Sipas presidentes, Vjosa Osmani, nëse ekziston