Roze

“I lexova dhe kam shkuar direkt…”, Heidi flet për raportin me Borën pas raportimeve për krisje

Posted on 05/06/2024 by Botapress.info

Heidi ka qenë e ftuar mëngjesin e sotëm në “Wake Up”, ku ka folur për ditët e saj të para jashtë “Big Brother VIP”, për marrëdhënien e saj me Romeon si dhe raportin me Bora Zemanin, që së fundmi u aludua se kishte një krisje mes tyre duke qenë se nuk ndiqeshin më në Instagram.

Teksa u pyet se si iu duk jugu i Shqipërisë pasi disa ditëve që kaloi aty, Heidi tha, “Ma kishte premtuar Romeo dhe më çoi. Ishte shumë bukur, më pëlqeu shumë, nuk e prisja. Më pëlqeu deti, perëndimi është shumë i bukur. Unë jam pak romantike por ishte vërtet shumë bukur”.

“Është diçka e re jashtë, marrëdhënia është e njëjta. Por është pak ndryshe, sikur po njihemi nga fillimi. Në jug nuk ishim vetëm, por shkoi shumë mirë. Unë nuk jam tip që i fsheh emocionet, por ndihem vërtet shumë mirë. Unë jam tip i qetë”, tha ajo teksa u pyet për marrëdhënien me Romeon.

Ndërkohë së fundmi në median sociale u aludua se në marrëdhënien e Heidit dhe Borës diçka kishte ndodhur dhe lidhur me këtë Heidi theksoi, “I lexova dhe kam shkuar direkt ta bëj ‘follow’. Nuk jam shumë tip Instagrami, nuk merrem shumë. Por më shkroi dhe ajo që ‘si ka mundësi’. Unë jam tip i qetë. Mund të qetësoheni, jemi ‘OK’”.