I dha tender 5 milionësh firmës së tij

Akuzat ndaj tij, i ka komentuar edhe familja e veprimtarit të vrarë të Lidhjes Demokratike të Kosovës (LDK), Haki Imeri.

Sipas familjes Imeri, sulmet ndaj Pecit vijnë kryesisht nga ata që kanë përfituar nga praktikat e korruptuara të qeverive të mëparshme.

Kjo familja ka akuzuar qeveritë e mëparshme për abuzime të rënda me fonde publike, duke favorizuar miqtë, familjarët dhe klientët politikë. Ajo ka përmendur rastin si ai i ish-ministrit Blerim Kuçi, i cili thuhet se ka dhënë tenderë firmës së tij.

Postimi i plotë i familjes Imeri në Facebook:

-Pse po sulmohet Ministri Faton Peci?

-Diçka e çuditshme ndodh në Kosovë sa herë dikush guxon të punojë ndryshe: ata që e kanë vjedhur shtetin si mos më keq, papritmas bëhen kampionë të moralit.

– Sulmet ndaj ministrit të Bujqësisë, Faton Peci, janë shembulli më i freskët i kësaj “dëshire për drejtësi”.

– Por, le ta themi hapur – halli nuk është se ministri Peci që ka ndarë grantet në mënyrë të barabartë për të gjithë, pavarësisht përkatësisë partiake..

-Në kohën e qeverive të kaluara, paratë publike ishin lodra private për ministrat dhe miqtë e tyre, kete e dijme te gjithe ..

-Një shembull? Blerim Kuçi, ish-ministër i qeverisë PAN, pa fije turpi ia dha një tender prej 5 milionë eurove firmës së tij.

– Nuk po flasim këtu për shkelje “të vogla”.

-Këtu po flasim për abuzime që do t’ia bënin zili edhe shtetet më të korruptuara në botë.

-Familjarë, miq dhe klientë të pushtetit u pasuruan aq shumë, saqë nga fshatrat e vogla nisën të lindin milionerë të befasishëm..

-Mos u habisni nëse dikush përfundon duke shpikur një “gjenetike te pasurimit te shpejte”

-Fatos Peci nuk po sulmohet pse nuk punon mirë – përkundrazi.

– Po sulmohet sepse grantet nuk po shpërndahen më si më parë .

-Dhe kjo nuk i pëlqen atyre që për dekada e kanë konsideruar shtetin si kasafortën e tyre personale.

-Të ndash fonde për fermerët pa pyetur se cilës parti i përkasin?

– Kjo është e pafalshme në sytë e atyre që kanë ndërtuar perandori mbi praktikën e kundërt.

-Por mos u mashtroni, sulmet ndaj qeverisë Kurti nuk kanë të bëjnë vetëm me Peci-n apo grantet.

-Ata kanë një hall shumë më të madh: ligjin për konfiskimin e pasurisë së pajustifikueshme..

-Ky është “makthi i natës” për komandantët e transformuar në milionerë, për oligarkët e vetëshpallur dhe për ata që e kanë kthyer shtetin në biznes familjar.

-Imagjinoni skenën: një ditë, dikush troket në derë dhe kërkon dokumentet për vilën luksoze apo për tokat që janë përvetësuar pa asnjë arsyetim, p.sh 50 euro hektari ..

-Paniku është i justifikuar..

-Mediat që sot bëjnë zhurmë për Peci-n nuk e kanë hallin e fermerëve.

-Hallin e kanë që ata që i mbajnë me privilegje dhe fonde të dyshimta mund të humbasin gjithçka.

-Këto media kanë qenë gjithmonë në shërbim të pushteteve që u kanë dhënë copa nga torta e madhe e shtetit.

-E tani që torta po ndahet ndryshe, po bëjnë zhurmë që të mos humbin të paktën thërrimet.

-E pra, kush po ankohet për Faton Peci-n?

-Janë pikërisht ata që për dekada e kanë zhveshur Kosovën deri në kockë.

-Nuk qan as fermeri, as qytetari i zakonshëm.

-Qan “klasa e milionerëve të papritur”, që kane frikë se loja e tyre po merr fund.

-Dhe kjo është ‘tragjedia’ më e madhe për ta – jo për Kosovën.