Haxhiu i “obligon” deputetët e opozitës të marrin pjesë në seancë, u jep afat deri në orën 14:00

Deputetët e pushtetit kanë nisur votimin në rundin e dytë për President, pavarësisht se kjo procedurë u konsiderua si cenim i rendit kushtetues të vendit nga njohës të Kushtetutës dhe organizata joqeveritare.

Kryeparlamentarja Albulena Haxhiu i ftoi deputetët e opozitës që të marrin pjesë në seancë, pasi sipas saj, ata janë të obliguar të marrin pjesë dhe të votojnë, duke e mundësuar zgjedhjen e Presidentit.

“Për t’i dhënë atyre mundësinë që të jenë të pranishëm në këtë seancë […] po e vazhdojmë këtë seancë në orën 2. Pra, shihemi në orën 2”, tha ajo.

Haxhiu e interpreton ndryshe një aktgjykim të Gjykatës Kushtetuese, kur e kishte pyetur më herët për këtë çështje.