Daut Haradinaj nga AAK-ja ka thënë se sa i përket çështjes së Asociacionit, kjo parti nuk voton për mocion shkarkimi të kryeministrit Albin Kurti. Haradinaj tha se plani franko-gjerman nuk flet për Asociacionin.
“Plani franko-gjerman nuk flet për Asociacionin, është vetëm një pikë ku thotë zbatimi i marrëveshjeve të arritura deri më tani, të paktën sa e kam parë unë nuk është e shkruar asnjë germë sa iu përket asociacionit. Është krejt diçka tjetër obligimi është marrë prej Qeverisë në vitin 2013 pastaj 2015. Edhe në atë kohë e kam kundërshtuar dhe vazhdoj ta kundërshtoj. Në rast se ne shkëputemi përfundimisht shkëputemi prej Serbisë nuk duhet t’i frikësohemi ndonjë përgjegjësie shtesë të komunitetit serb në Kosovë”, ka deklaruar ai në TV1.
Sipas tij, Kurti mund të japë dorëheqje, por jo me votën e AAK-së.
Të enjten në seancën e Kuvendit, kryeministri i Kosovës, Albin Kurti prezantoi gjashtë kushte në të cilat u shpreh se do të pranonte formimin e Asociacionit.
