Halil Geci “i bjen pishman” për fjalën pushkatim, e korrigjon postimin për Vjosa Osmanin

Anëtari i partisë Guxo, Halil Geci tha se nuk ka kërcënuar dhe nuk ka nxitur dhunë, pasi e përshkroi si “tradhti” dekretin e presidentes Vjosa Osmani të premten për ta shpërndarë Kuvendin dhe tha se ajo “do të pushkatohej” në Turqi për këtë.

Presidenca u kërkoi organeve kompetente të rendit dhe të drejtësisë që “të merren urgjentisht me këto raste dhe ta trajtojnë në përputhje me ligjin”.

Pas këtij reagimi të Presidencës, Geci e ka korrigjuar pak postimin e tij në Facebook, duke ia hequr fjalinë me “pushkatim”.