Gjykata Komerciale pezullon vendimin e ZRrE-së për pesë kompani të tjera

Oda Ekonomike e Kosovës ka njoftuar për aktvendimin e fundit të Gjykatës Komerciale, e cila ka pezulluar vendimin e ZRrE-së për daljen në tregun e lirë të energjisë për pesë kompani që kanë ushtruar padi individuale ndaj këtij vendimi.

“Siç kemi theksuar edhe më herët, legjislacioni aktual nuk parasheh padi në formë grupore ose kolektive, prandaj vetëm paditë individuale po trajtohen dhe po pranohen nga gjykata. Këto pesë kompani kanë fituar të drejtën e tyre ligjore përmes këtij mekanizmi,” thuhet në njoftimin e Odës Ekonomike.

Oda i bën thirrje ZRrE-së që të anulojë vendimin për daljen “e dhunshme në tregun e lirë të energjisë, në mënyrë që të mos dëmtohet konkurrenca, bizneset, qytetarët dhe ekonomia e vendit.”