FSK përfundon me sukses operacionin e kërkim-shpëtimit në Liqenin e Jezhnicës (Pamje)

Forca e Sigurisë së Kosovës (FSK) ka njoftuar se ka përfunduar me sukses një operacion të kërkim-shpëtimit në afërsi të Liqenit të Jezhnicës, në komunën e Shtërpcës.

Sipas njoftimit, pas marrjes së informacioneve nga Qendra e Situatave të Qeverisë së Republikës së Kosovës, është angazhuar togu i Kërkim-Shpëtimit Malor i Gardës Kombëtare të FSK-së, në koordinim me Policinë e Kosovës dhe autoritetet lokale.

Operacioni kishte për qëllim tërheqjen e trupit të pajetë të një personi, dhe sipas FSK-së, misioni sfidues është kryer me sukses.

“Trupi i pajetë është tërhequr dhe dorëzuar autoriteteve për procedurat e mëtejshme”, thuhet në njoftimin e FSK-së.