NATO përmes një komunikate për media ka bërë të ditur se të premten kanë zbarkuar në Kosovë edhe 130 forca shtesë nga Rumania, për të përforcuar edhe më tej misionin e KFOR-it në Kosovë, shkruan Express.
Forcat rumune vijnë në Kosovë pas 200 trupave shtesë britanike të cilat kanë ardhur në fillim të këtij muaji.
Kjo rritje e forcave të NATO-s në Kosovë vjen pas sulmit të dhunshëm të 24 shtatorit ndaj Policisë së Kosovës dhe rritjes së tensioneve në rajon.
Policia jep detaje shokuese për dhunimin e të mitures në Gjakovë
“Më shumë se 130 trupa shtesë nga Rumania mbërritën në Kosovë të premten (13 tetor 2023) për të përforcuar më tej misionin paqeruajtës të Forcave të NATO-s në Kosovë (KFOR), përveç dyqind ushtarëve britanikë të dislokuar në fillim të këtij muaji. Vendosja e këtyre trupave shtesë vjen pas sulmit të dhunshëm ndaj Policisë së Kosovës më 24 shtator dhe rritjes së tensioneve në rajon”, thuhet në njoftim.
NATO shkruan se “Këto dislokime janë një hap i kujdesshëm për të siguruar që KFOR-i të ketë forcat që i nevojiten për të përmbushur mandatin e tij të OKB-së për të ruajtur një mjedis të sigurt dhe të sigurt dhe lirinë e lëvizjes për të gjithë njerëzit në Kosovë. Ato bazohen në një kërkesë të Komandantit Suprem të Aleatëve të NATO-s për Evropë dhe u miratuan nga Aleatët në Këshillin e Atlantikut të Veriut”.
