Forcat ruse kanë pushtuar ndërtesën e administratës rajonale në Kherson. Kështu është shprehur guvernatori rajonal Hennadiy Laguta, mes raporteve kontradiktore për fatin e qytetit të rëndësishëm strategjik.
Ministria ruse e Mbrojtjes tha se kishte kapur Kherson-in të mërkurën, por Ukraina i hodhi poshtë këto pretendime duke thënë se forcat e saj vazhdojnë të mbrojnë portin e Detit të Zi me rreth 250 mijë banorë.Kryetari i bashkisë së Kherson-it, Igor Kolykhaiev, tha në një postim në median sociale Facebook herët të enjten se trupat ruse ishin në kontroll të bashkisë së qytetit dhe se banorët duhet t’i binden një shtetrrethimi të vendosur nga ata që ai i quajti “vizitorët e armatosur”.
Kolykhaiev tha se ai nuk kishte bërë “asnjë premtim” për forcat ruse dhe se ai ishte “i interesuar vetëm për jetën normale të qytetit tonë! Thjesht u kërkova atyre të mos qëllonin njerëzit”.
Kufizime të tjera të vendosura në qytet përfshijnë një shtetrrethim nga ora 20:00 deri në orën 6 të mëngjesit me vetëm makina që transportojnë ushqime, ilaçe dhe nevoja të tjera të lejuara për të hyrë në qytet./Botapress.info/
E tmerrshme: Ushtari rus futet mes qytetarëve ukrainas duke mbajtur dy granata në dorë
