Forca izraelite e Mbrojtjes (IDF) ka konfirmuar se ka ndërmarrë sulme ajrore ndaj objektivave ushtarake në kryeqytetin iranian, Tehran, si dhe në kryeqytetin e Libanit, Beirut.
“Në këtë moment, IDF po kryen sulme të njëkohshme të synuara ndaj objektivave ushtarake në Teheran dhe Bejrut”, thuhet në një deklaratë zyrtare.
Zëdhënësi në gjuhën arabe i IDF-së, njoftoi se është në zhvillim “një valë e gjerë sulmesh ajrore”. Sulmet pasuan rreth një orë pasi ushtria izraelite lëshoi një “paralajmërim urgjent” për banorët e periferive jugore të Bejrutit dhe për dhjetëra fshatra, duke u kërkuar të evakuohen.
Sipas IDF-së, objektivat përfshijnë qendra komanduese dhe depo armësh që i përkasin Hezbollah. Ushtria paralajmëroi qytetarët të qëndrojnë larg ndërtesave të lidhura me këtë organizatë, duke theksuar se kushdo që ndodhet pranë tyre rrezikon jetën.
Ndërkohë, mbi Bejrut janë parë re të dendura tymi të zi që ngriheshin në qiellin e orëve të para të mëngjesit, ndërsa agjencia e lajmeve Reuters raportoi për shpërthime të forta të dëgjuara në zonë.
Të tjera
Lajme Opinione
24 hektarë Kishës Serbe “për hatër të Rashiqit”, Hoti: Pra me vite ishte “tradhti”, kjo është retorika e mashtruesit
Deputeti i Lidhjes Demokratike e
Aktuale
“Nenad, po e bëj për shkakun tënd”: Rashiq thotë se falë tij Kurti i barti 24 hektarët Manastirit të Deçanit
Ministri për Komunitete dhe
Lajme
Eksperti kushtetues: Kërkesa e VV-së që të detyrohen 120 deputetë të rrinë në sallë i jep të drejtë veto-je Listës Serbe
Avokati dhe eksperti kushtetues, Faton