Enzo Maresca largon nga planet e tij edhe një tjetër lojtar të Chelseat

Menaxheri i ri i Chelseat, Enzo Maresca, ka vazhduar largimin masiv të lojtarëve, duke hequr edhe një tjetër lojtar nga planet e tij, si pjesë e shkurtimit të skuadrës së stërngarkuar me futbollistë.

Maresca nuk është frenuar në vlerësimin e tij për skuadrën e Chelseat që kur iu bashkua klubit në qershor pas shkarkimit të Mauricio Pochettinos.

Tani, raportet e reja të mediave britanike kanë zbuluar se një tjetër lojtar nuk është përfshirë në vizionin e Maresca për Chelsean e sezonit të ri.

Sipas mediumit The Guardian, Axel Disasi nuk është pjesë e planeve afatgjata të Marescas dhe një qendërmbrojtës i ri mund të sillet në klub këtë verë nëse mund të aranzhohet një largim për Disasin.

Ai bëri 44 paraqitje për klubin londinez sezonin e kaluar, duke shënuar një gol në debutimin e tij kundër Liverpoolit në ndeshjen e parë të Chelseat në sezonin 2023/24 të Ligës Premier.

Megjithatë, Disasi nuk u përfshi në skuadër për ndeshjen hapëse të sezonit 2024/25 kundër Manchester Cityt, të cilën Chelsea e humbi 2-0.