Policia e Kosovës, ka njoftuar për një rast të pazakontë ku tre meshkuj dhe një femër janë përleshur mes vete pas një mosmarrëveshjeje që kanë pasur.
Si pasojë e përleshjes, të dyshuarit kanë pësuar lëndime trupore.
Lidhur me këtë rast, siç njofton PK’ja në raportin e saj të përditshëm, femra kosovare është arrestuar dhe me vendim të prokurorit është dërguar në mbajtje.
“Rr. Hoxhë Tahsini, Prizren 03.07.2023 – 20:30. Tre meshkuj kosovarë dhe një femër kosovare kanë pësuar lëndime trupore gjatë një përleshje që ka ndodhur ndërmjet tyre pas një mosmarrëveshje. Lidhur me rastin është arrestuar e dyshuara femër kosovare dhe pas intervistimit me vendim të prokurorit është dërguar në mbajtje”, ka njoftuar PK’ja. /Botapress.info/
