Ka ndërruar jetë në moshën 48-vjeçare futbollisti i njohur polak, Igor Sipniewski, raportojnë mediat nga ky vend.
Bëhet fjalë për një nga talentet më të mëdhenj të futbollit, i cili bëri një betejë të gjatë kundër depresionit. I gjithë vendi është tronditur nga fati tragjik i ish-asit, të cilit alkooli i kushtoi shtrenjtë. Në publik u tha se ai preferonte të pinte sesa të hante, transmeton Demokracia.com.
Igor luajti për Panathinaikos, Vistula dhe Malmö, veshi fanellën e kombëtares polake dhe u kujtua për golin ndaj Arsenalit dhe për fitoren ndaj Manchester United, për të cilin në atë kohë luante legjendar David Beckham.
Problemet e tij me alkoolin filluan gjatë karrierës së tij si lojtar, ndërsa më vonë ai vuante nga depresioni i rëndë dhe madje tentoi edhe vetëvrasjen.
Është regjistruar se ai i ka mbijetuar një goditjeje në tru dhe ka përfunduar në burg për shkak të problemeve me alkoolin.
Në kombëtaren polake ka regjistruar dy ndeshje zyrtare, ndërsa në karrierë ka luajtur për LKS Lodz, Kavala greke, Panathinaikos, OFI dhe Kallithea, klubet suedeze Halmstad, Malmo, Trelleborg dhe Bunkeflo…
Malmo i Suedisë i ka thënë lamtumirë ish-lojtarit të tyre Igor Sipnijevski në rrjetet sociale. /Botapress.info/
