E rëndë: Vetura futet dhe përplas turmën me njerëz në shesh, dy persona humbin jetën

Dy persona kanë humbur jetën pasi një makinë përplasi një turmë në qytetin lindor gjerman të Leipzig-it të hënën pasdite, njoftoi kryebashkiaku Burkhard Jung.

Sipas Jung, autori i dyshuar u arrestua, ndërsa motivi i ngjarjes nuk është i qartë për autoritetet.

Policia konfirmoi se makina goditi disa persona në zonën qendrore të “Grimmaische Straße” para se të largohej. Më vonë, shoferi u arrestua dhe aktualisht “nuk paraqet rrezik të mëtejshëm”, sipas raportimeve zyrtare.

Rreth orës 17:35, Radio Leipzig raportoi se policia deklaroi se rreziku ka kaluar dhe zona rreth sheshit ishte bllokuar për siguri./TCH