Për shkak të plagosjes së një fëmije 11 vjeçar dhe një të riu 21 vjeçar, të dy të nacionalitetit serb, qytetarët në fshatin Gotovushë, në komunën e Shtërpcës, kanë bllokuar rrugën. Në një pjesë të rrugës janë vendosur goma veturash e drunj në mes të rrugës, kurse pak më poshtë janë grumbulluar njerëz duke e bërë kalimin në atë pjesë të pamundshëm, raporton Gazeta Sinjali.
Nga Policia e Kosovës kanë konfirmuar për Gazetën Sinjali se është larguar barrikada në fshatin Gotovushë dhe se gjendja është e qetë atje.
Ndërsa shtuan se janë në përpjekje për ta larguar edhe barrikadën e dytë.
Thyhet rekordi: Kaq milionë persona udhëtuan përmes Aeroportit të Prishtinës
Në anën tjetër Njësia Speciale ka zbarkuar në stacionin policor në Ferizaj, teska edhe kryeprokurori i qytetit ka shkuar në vendngjarje.
Ndryshe, Policia e Kosovës ka njoftuar se e ka arrestuar të dyshuarin A.K 33-vjeçar dhe të njëjtit i është konfiskuar automjeti dhe arma me të cilin dyshohet se është kryer vepra.
“Si provë materiale është konfiskuar edhe automjeti i udhëtarëve me të cilën dyshohet se ka lëvizur i dyshuari”, thuhet në njoftim.
Përmes një deklarate për media, presidentja e vendit, Vjosa Osmani tha se plagosja e 11 dhe 21-vjeçarit është akt i patolerueshëm dhe kërkoi që autori të vihet para drejtësisë.
Kurse Kryeministri Albin Kurti tha se i dyshuari duhet të vihet para drejtësisë ndërsa u shpreh i brengosur për rastin.
Ndërkaq ministri i Mbrojtjes, Armend Mehaj konfirmoi se i dyshuari është pjesëtarë i FSK-së.
