E dhimbshme: Ky është 15-vjeçari që vdiq në aksidentin tragjik në Sekiraçë të Podujevës

Një aksident i rëndë trafiku ka ndodhur sot në fshatin Sekiraçë, në magjistralen Podujevë-Prishtinë, ku për pasojë ka humbur jetën një i mitur.

Viktima është 15-vjeçari Benjamin Hasani, nxënës i shkollës fillore dhe të mesme të ulët “Enver Maloku” në Podujevë.

Lidhur me ngjarjen tragjike ka reaguar edhe kjo shkollë, duke shprehur dhimbje të thellë për humbjen e nxënësit të tyre.

“Me pikëllim morëm lajmin për aksidentin tragjik që ndodhi sot në magjistralen Podujevë-Prishtinë, ku humbi jetën nxënësi i shkollës sonë Benjamin Hasani.

Humbja e jetës së tij është humbje e madhe për familjen, arsimtarët dhe shoqërinë e tij.

Ju shpreh ngushëllimet më të sinqerta familjes, shoqërisë dhe gjithë të afërmve të tij.

Do të të kujtojmë gjithmonë me mall, shokët e klasës, i gjithë stafi dhe nxënësit e shkollës Enver Maloku!”, thuhet në njoftim.