Ambasadori i SHBA-së, Jeffrey Hovenier, ka folur për zgjedhjet presidenciale në SHBA, me ç’rast ka vlerësuar interesimin e popullit të Kosovës për këto zgjedhje.
Ai tha se SHBA-ja është demokraci e pjekur dhe se institucionet e saj janë solide, derisa shtoi se sido që të jetë rezultati, qeveria amerikane do të vazhdojë të përfaqësojë popullin amerikan.
“Zgjedhjet janë gjithmonë një mënyrë për të festuar sepse janë një akt esencial në demokraci, ku qytetarët mund të shprehin vullnetin e tyre për të bërë zgjidhje për vendin e tyre…
Ne e kemi çmuar aq shumë interesimin e popullit të Kosovës për zgjedhjet tona dhe mendoj se kjo fushatë dhe këto zgjedhje kanë treguar sërish se sa e gjallë, sa e pasur, sa amerikanët aktivë kanë të bëjnë me përgjegjësinë e tyre qytetare, dhe me të vërtetë përfshihen në këtë pyetje se çfarë drejtimi duhet të marrim dhe kush duhet ta udhëheqë vendin tonë.
Shtetet e Bashkuara të Amerikës janë një demokraci shumë e pjekur. Ne e kemi bërë këtë për më shumë se 200 vjet. Institucionet tona janë solide. Nuk e di rezultatin e këtyre zgjedhjeve, por e di se cilido që të dalë, populli amerikan do të vazhdojë dhe institucionet amerikane të qeverisë do të vazhdojnë të përfaqësojnë popullin e Shteteve të Bashkuara”, ka thënë Hovenier.
Të tjera
Showbiz
Olta Gixhari e papërmbajtshme, shfaqet provokuese më këtë veshje
Olta Gixhari është një nga aktoret
Aktuale
Dyfytyrësia e përsosur: Atë çka e shante te populli për Thaçin, sot e mçon Kurtin vet
Nga apostull i moralit politik, në
Aktuale
KFOR vendos 114 tabela përgjatë kufirit Kosovë-Serbi
KFOR ka njoftuar se ka