Dyshohet se një person ka rënë nga lartësia te “Grandi” në Prishtinë

Një ngjarje e rëndë po raportohet se ka ndodhur pak më parë në Prishtinë, ku një person dyshohet se ka rënë nga lartësia pranë hotelit “Grand”.

Në vendin e ngjarjes shihen prania e veturave të Policisë së Kosovës, autoambulancës dhe njësive të zjarrfikësve në vendin e ngjarjes.

Sipas informacioneve të para, viktima dyshohet se ka qenë duke i pastruar xhamat e hotelit në momentin e rënies.

Sinjali është në pritje të informacioneve zyrtare nga Policia e Kosovës.

Në vendin e ngjarjes, kanë arritur edhe ekipet e Forenzikës.