Distria Krasniqi është përfshirë në Top 10 e sondazhit prestigjioz “Balkan Athlete of the Year” 2025, të organizuar nga Agjencia Telegrafike Bullgare (BTA).
Xhudistja kosovare u rendit mes sportistëve më të spikatur të rajonit falë suksesit të saj si kampione e Evropës dhe nënkampione e botës në kategorinë deri në 52 kilogramë.
Në edicionin e 52-të të këtij sondazhi tradicional morën pjesë agjencitë kombëtare të lajmeve nga e gjithë rajoni i Ballkanit, përfshirë edhe KosovaPress.
Sipas BTA-së, “një total prej 47 sportistësh u nominuan” këtë vit, ndërsa fituesi përfundimtar dhe renditja e plotë do të shpallen më 16 shkurt në Sofje, në datën kur në vitin 1898 BTA publikoi buletinin e saj të parë të lajmeve.
Përveç Distria Krasniqit, në Top 10 të vitit 2025 u përfshinë emra të mëdhenj të sportit botëror si Nikola Jokic, Giannis Antetokounmpo, David Popovici dhe Alperen Şengün. Ceremonia e ndarjes së çmimeve do të mbahet më 16 shkurt 2026 në Sofje, ku BTA ka ftuar përfaqësuesit e agjencive pjesëmarrëse për të festuar sportistët më të mirë të Ballkanit.
Të tjera
Aktuale
Gjermani: Sekuestrohet autotransportuesi i kosovarit me 56 defekte të rënda sigurie
Policia e qarkut Mettmann në Gjermani
Aktuale
Zhvillimet në LDK pas zgjedhjeve, nesër thërrasin konferencë për media s’bëhet e ditur arsyeja
Lidhja Demokratike e Kosovës (LDK), ka
Aktuale
Përmbyllet procesi i rinumërimit të votave në 8 komuna
Në Qendrën e Numërimit dhe Rezultateve