Dështimi 36, Bajrami: VV është ngunjuar në një emër e cila nuk i ka votat

Në dështimin e 36 me radhë për Vetëvendosjen që të zgjedhë Albulena Haxhiun kryetare të Kuvendit dhe rrjedhimisht moskonstituimit të Kuvendit të Kosovës, deputetja e Lidhjes Demokratike të Kosovës, Hykmete Bajrami tha se “ka vetëm një përgjegjës” për bllokadën: “Vetëvendosja”.

“Janë ngunjuar pas një emri për të cilën nuk i kanë votat. Fajtori është këtu vetëm Vetëvendosja. Nuk e di sa do të zgjasë kjo situatë, më vjen keq kjo që për 36’ën herë”,tha ajo.

Bajrami tha se LDK-ja ka dhënë propozimin për qeveri uniteti dhe kalimtare për dalje nga kriza institucionale, por se po qe se vazhdon pafund situata duhet dakorduar për zgjedhje të jashtëzakonshme parlamentare.