Deliu nga PDK kërkon verifikim të plotë të votave të kandidatëve për deputetë

Blerta Deliu nga PDK ka reaguar pasi pas rinumërimit të votave janë evidentuara mos përputhje të votave për disa kandidatë për deputetë.

Deliu ka kërkuar verifikim të plotë të votës, duke thënë se çdo tentativë për të ndryshuar vullnetin qytetar duhet të trajtohet menjëherë

“Asgjë nuk e dëmton demokracinë më shumë sesa manipulimi i zgjedhjeve. Prandaj, verifikimi i plotë i votës dhe rinumërimi i procesit janë të domosdoshëm për të zbardhur realitetin. Çdo tentativë për të ndryshuar vullnetin qytetar duhet të trajtohet menjëherë dhe të pasohet me ndëshkim. Kjo është e vetmja mënyrë për të ndaluar keqpërdorimet dhe për të rikthyer besimin te votuesit”, ka thënë ajo.