Dalin pamjet nga vendi i ngjarjes ku humbi jetën e reja që ra nga një objekt në Prishtinë

Një ngjarje e rëndë ka ndodhur sot në lagjen “Lakrishtë” të Prishtinës, ku një vajzë ka humbur jetën pasi ka rënë nga lartësia e një objekti. Lajmi është konfirmuar nga Policia, ndërsa akoma nuk dihen rrethanat e ngjarjes. raporton Gazeta Sinjali.

Vdekjen e viktimës e kanë konstatuar ekipet mjekësore në vendin e ngjarjes.

Ndërkaq, në vendin e ngjarjes kanë dalë edhe njësitet policore, të cilët e kanë rrethuar me shirita lokacionin ku ka ndodhur rasti.

Viktima raportohet të jetë një vajzë rreth moshës 26-vjeçare.

Aktualisht nuk dihet nëse rënia e vajzës nga ndërtesa ka qenë aksidentale, apo e qëllimshme.

Tashmë në media janë publikuar edhe pamjet nga vendi i ngjarjes.

https://sinjali.com/wp-content/uploads/2025/04/AQMoUipPm6qBGdQpcJFJmen3o2mEejOeqf9zg9MMxYwP9XihR1t5kf3U-wFkezD4gsbq59QYap9Wt_DrBYPVC0ak.mp4

Ndërkaq, organet kompetente kanë nisur hetimet në lidhje me zbardhjen e detajeve të këtij rasti.