Presidenti i Shteteve të Bashkuara, Joe Biden njoftoi të premten emërimet për disa poste në qeverinë amerikane, përfshirë personin që nëse miratohet në Senat, do të jetë ambasadori i ardhshëm i Kosovës.
Bëhet fjalë për diplomatin e karrierës në Departamentin e Shtetit, Jeffrey M. Hovenier, i cili aktualisht shërben si zëvendës ambasador i Shteteve të Bashkuata në Ankara të Turqisë.
Nga gushti 2018 deri në korrik 2019 ai ka qenë i ngarkuari me punë në atë ambasadë.Më herët, ai ishte zëvendës shef në detyrë i Misionit dhe ministër këshilltar për Çështjet Politike në Ambasadën amerikane në Berlin të Gjermanisë.Gjermani.
Ai ka shërbyer gjithashtu në misionet e Shteteve të Bashkuara, në Kroaci, Greqi, Panama, Paraguai dhe Peru; në Organizatën për Siguri dhe Bashkëpunim në Evropë (OSBE).Zoti Hovenier ka përvojë në Kosovë, pasi ka shërbyer në stafin e të Dërguarit Special të OKB për statusin.
“Unë do të jem gjithmonë një mik i Kosovës”, ishte shprehur diplomati Hovenier.
Ambasadori e uroi zotin Hovenier në Twitter për emërimin.
Në Uashington, diplomati Hovenier, ka shërbyer si Drejtor për Çështjet e Evropës Qendrore dhe Juglindore në Këshillin e Sigurisë Kombëtare dhe në Byronë e Departamentit të Shtetit për Çështjet Evropiane dhe Euroaziatike me përgjegjësi për NATO-n dhe Çështjet e Evropës Qendrore./Botapress/