Bllokada në Kuvend, Presidentja do të kontaktojë partitë: Kemi pasur gatishmëri që nga 16 prilli

Presidenca e Kosovës ka thënë se presidentja Vjosa Osmani që nga 16 prill ka pasur gatishmëri që të presë liderët e partive politike.

Në një përgjigje për Gazetën Express, zëdhënësi për media në Presidencë, Bekim Kupina, ka thënë se deri më tash nuk ka pasur asnjë kërkesë.

Por, tutje thuhet se meqë disa kanë kërkuar që presidentja ta bëjë, këtë, Osmani do të kontaktojë së shpejti me partitë politike

“Presidentja e Republikës së Kosovës, Vjosa Osnani, tashmë ka shprehë gatishmërinë e plotë, që nga data 16 prill, që t’i presë liderët e partive politike në rast se ata e shohin të nevojshme një gjë të tillë. Deri dje nuk kemi pasur një kërkesë të tillë. Tani që disa parti kanë kërkuar që Presidentja t’i thërrasë në takim të përbashkët të liderëve, Kabineti i Presidentes do të kontaktojë së shpejti me partitë politike për të parë se cila është koha e përshtatshme për të gjithë, për një takim të tillë gjithëpërfshirës”, thuhet në përgjigje